kwentong may trangkaso

Ganito nangyari:

1. Sabado. Oracle Global Volunteer Days. Pumunta sila sa La Mesa Watershed. (Dahil napadpad ako sa website nung watershed, nakakatuwa naman at nalaman ko pa ang donation stuff). Siyempre pa, sumama ako. Masaya naman, at maraming pumunta. Ang problema lang talaga ay napaka-humid (hoomid). Ubos ang lakas at tubig sa katawan dahil doon sa Ecomazing Race () at sa sobrang init.
2. Linggo. Dahil na-miss ko lang, nagehersisyo ako, dito lang sa bahay. Pagkapawis ng sobra, naligo ako ng malamig. Hindi naman ganoon kaarte ang katawan ko na magkakasakit dahil doon. Pero may sinat na raw ako noong kinagabihan, pero hindi ko talaga masyadong naramdaman eh.
   
3. Lunes. Pumasok ako, may tinapos sa opisina dahil ipinatapos ito. Tinamaan na talaga ako ng lagnat noon. Umabot sa 38° ang temperatura ng katawan ko ayon na rin sa nurse sa opisina. Pinag-ingat niya lang ako. Pinag-ingat. (Kailangan ko pa talagang ibenta)
   
4. Martes, Miyerkules. Bagsak, bagsak.
   
5. Huwebes. Nagpakunsulta na ulit ako sa doktor. Sumama si mom sa consultation room. Mukhang nanay na rin iyong doktor. Pina-CBC (complete blood count) ako. Normal naman daw ang red cell, white cell count (safe sa dengue at typhoid, tama ba? hehe) pero medyo mababa raw iyong platelet count na ibig sabihin ay kulang daw ako sa tubig. So pwede palang malaman kung dehydrated ang isang tao gamit ang platelet count :D. Napapangiti nalang ako dahil sinusumbong ako ni mom sa doktor na hindi raw ako kumakain ng gulay (kumakain kaya ako ng golay) at hindi umiinom ng tubig (umiinom kaya ako ng pobeg) atbp. Napapangiti nalang ako dahil wala akong magawa sa dalawang nanay na nagsesermon sa akin.

GG. Hindi ako makapagDOTA sa hilo.

mabilis lang

Dumating dito sa bahay sina Emman, Jerrick, Barqs, Nico, Irene, at Mamert. Na-miss nila ako kaya kumain, uminom at nag-DOTA kami dito sa bahay.
Nagdala si Jerrick ng epektus kaya gumawa kami ng jello shots, na mas masaya banatan tuwing lasingan. Wala nang sabit, lasang prutas pa.
Nagdala rin sila ng mga laptop tapos naglaro kami gamit ang GG client kami para maramihan at mas masaya. Parang buhay kolehiyo lang. Ayon sa aking ina iyong dalawa kong tropa, Nico (bihasa sa trash talk) at Barqs (aduk), ay hanggang ika-siyam ng umaga naglaro. Napakahihilig.

Kinabukasan, tumungo ako sa opisina, hindi para magtarbaho, bagkus ay para sumama sa pasyal ng mga katrabaho. Napadpad kami sa isang pribadong languyan sa Laguna. May nalasing dahil may beer, tequila at Baileys, may kumanta dahil may videoke machine, may lumangoy, may nagluto dahil maraming karne, may nagmaneho, may nangolekta ng pera, may nagbayad, may kumuha ng litrato, may palaka, walang nag-Wii, maliit kasi iyong T.V. Hindi ako nakatulog dahil may pusoy dos. Kinaumagahan noon, pumunta kami sa Los Banos. Dumaan kami sa UP, tapos umuwi na rin. Bibili sana ako ng yogurt (walang melamine dito), kaya lang naubusan eh.

Dalawang linggo bago iyon, nakalangoy at nakapagtampisaw din kami sa 9 waves sa Rizal. Nagustuhan ko roon. Unang-una, dahil nakakatuwa iyong resort, matindi iyong pools, may waves eh. Isa pa magaling iyong nagdisenyo nung lugar, kaaya-aya ang dating nito sa unang tingin pa lang.
Pinakanagustuhan ko roon ay ang mga tao nilang tapat at magiliw tumanggap sa panauhin. Maasikaso sila pag dating pa lang kaya nakaka-engganyo. Iyong katapatan nakita ko kasi nawala ko ang tatlong bagay doon, susi ng kwarto namin, tsinelas at wallet ko. Iyong susi ng kwarto kailangan bayaran ng limang daang piso kapag nawala. Tapos iyong wallet ko, ano, wallet ko iyon eh kaya sayang naman kung mawala. Sobrang makakasama ng loob kung nawala lahat, pero dahil sa mababait na tao roon, ibinalik sa amin iyong susi at wallet. Kaya masaya. Sa kasamaang palad, napakanta ako ng Kamikazee - Chinelas kasi may mabait na batang kumuha nung tsinelas noong nilagay ko sa gilid ng pool bago lumangoy. Pero masaya pa rin dahil bumili ako ng bago doon sa malapit na palengke. 180 iyong unang presyo sa akin nung babae, tapos noong lumabas iyong kasama niya at tinanong ko ulit, wampipty nalang kaya binili ko na.

Wala lang, nagpapasarap lang ng kaunti dahil tapos na ang apurahan ng proyekto namin.

Buod
Langoy, inom, kain, DOTA

Mga Pics:
Dito sa bahay galing kay Barqs
Dito sa bahay galing sa akin
Laguna galing kay Kat
Laguna galing kay Dian
Laguna galing kay Mitch
Laguna galing sa akin